Şaristanê Bokanî ya Rojhelatê Kurdîstanî de di wayê bi nameyê Humeyra û Şewkar Emînpur ameyî destbendkerdene.
Aqûbetê her di wayan nêyena zanayene. Merkezê Heqanê Merdiman ê Îranî eşkera kerd ke 27ê gulana 2026î de sûka Bokanî ya Rojhelatê Kurdîstanî de di wayê bi nameyê Humeyra (50) û Şewkar Emînpur hetê hêzanê rejîmê Îranî ra ameyî destbendkerdene û ê berdê cayêko nêdiyar.
Ame vatene ke wextê destbendkerdena her di wayan de bê ke belgeyêko resmî yan zî qanûnî bêro mojnayene, eşto keyeyê her di wayan ser. Hêzanê rejîmî zereyê keyeyî de dest bi cigêrayîşî kerdo û tayê eşyayê înan ê taybetî dest daye ser.
Ame diyarkerdene ke heta nika dezgehanê asayîşî yê rejîmî derheqê babeta destbendkerdişî û cayê tepiştişê her di wayan de keyeyan agahî pare nêkerda.
