Bi pêşengîya MEBYA-DER’î hawayêko girseyî, qezaya Bismilî yê Amedî de ziyaretê şînî endamanê PKK Bahtîyar û Hîkmet Bîtkîn ke demanê cîyayan de cuya xo ra bîyî, ame kerdene. Pîyê înan, Nedîm Bîtkîn, şîn de qisey kerd û vat: “Ey cangorîyê şarê kurdî û Kurdîstanî yê.”
Qezaya Bismil ya Amedî de seba endamanê PKK Bahtîyar Bîtkîn (Gabar) û Hîkmet Bîtkîn (Ferhat) ke bîrayê yewbînan ê û demanê cîyayan de cuya xo ra bîyî şîn ame ronayene. Bi pêşengîya Komela Yewî Kultur Piştgirî û Hetkarîya Keyeyanê ke Merdimê xo Derguşê Şaristanîye de Vîndî Kerdî (MEBYA-DER) ya Amedî endam û rayberê partîyan sîyasî, temsîlkarê sazgehanê sîvîl û xeylî kesî zîyaretî şînî kerd.
Girseyî bi sloganê “Şehîdî nêmirenê” hetanî keyeyî şînî rayra şîyî. Badê ke girse resa cayê şînî, seba cangorîyanê azadîye deqîqayêk rêze ame girewtene. Şîn de nameyê keyeyî ser o pîyê Bahtîyar Bîtkîn (Gabar) û Hîkmet Bîtkîn (Ferhat) Nedîm Bîtkîn qisey kerd.
Nedîm Bîtkîn destpêkê qiseyê xo de heme kesanê ke beşdarê şînî bîyî rê spas kerd û vat: “Bawerîya ma her tim bi Serek Apo esta. Wa sereyê Serek Apo, gerîlayanê serê koyan û kesê ke seba azadîye têkoşîn kenê, weş bo. Heme şehîdê Kurdîstanî yê.”
