Serekkomarê Tirkîya û Serekê AKP’yî Tayyîp Erdoganî kombîyayîşê partîya xo de qisey kerd. Tayyîp Erdoganî prosesê Aştî û Komelê Demokratîkî sey “Tirkîyaya bêteror” pênase kerd û vat: “Sazgehê ma yê berpirsîyarî seba ke tasfîyekerdişê rêxistina çekdaran hîna lez bikerê, serê modelanê cîya-cîyan de xebatanê xo ramenenî.”
Serekkomarê Tirkîya û Serekê AKP’yî Tayyîp Erdoganî kombîyayîşê partîya xo yê meclîsî de qisey kerd. Erdoganî prosesê Aştî û Komelê Demokratîkî sey “Tirkîyaya bêteror” pênase kerd û wina vat: “Ma do Tirkîyayêka aram virazî û tede way û biratîye pîya awan bikerê. Ma do nê prosesî biresnê encam. Sazgehê ma yê berpirsîyarî seba lezkerdişê tasfîyeya rêxistine, serê modelanê cîya-cîyan de şuxulîyenî. Ma seba tifaqê xo rayîranê neweyan ser o dayîşûgirewtişan kenê. Karanê bixêran de hewcedarî bi lezkerdişî est a. Ma wazenî na babete êdî rojevê hemwelatîyanê xo ra bîvejê. Tirkîya seba çareserkerdişê nê problemî ke vayîya ci ya aborî 2 trîlyon dolarî ra zafêr a, wayîrê îrade û tecrubeyêkê pîl a.”
