Sêrt de verba tayînkerdişê qeyûmî meşêko girse ame organîzekerdêne.
Hemşaredarê Sêrtî Sofya Alagaş û Mehmet Kaysî wezîfeyî ra ameyê girewtene û cayê înan zî Walîyê Sêrtî Kemal Kizilkaya sey qeyûm ame tayînkerdêne. Çalakîya nobetî ya verba tayînkerdişê qeyûmî ame destpêkerdiş domyeno.
Girseya ke Taxa Gapî de ameyê têhet, bi siloganê “Bijî berxwedana gelê Kurd”, “Em ê bi berxwedanê bi ser kevin” û “Jin, jiyan, azadî” verê şaredarîye meşîyayê. Bi hezaran kes beşdarê meşî bîyê û esnafê şaristanî zî bi çepik, tililî û qirayişê siloganî hetkarîye dayê beşdaran. Girseya ke ame verê şaredarî, uca de zî bi siloganê “Qeyûm ji Kurdistanê bicehime”, “Qeyûmê diz” û “Qeyûm dê biçe gel dê bên” reaksîyon nîşanê tayînkerdişê qeyûmî dayê. Peynî girse dest bi nobetî kerd.
