Dêrsim de seba 15ê Gulane Roşanê Zonê Kurdî, panelêk ame viraştene. Panel de, Hemsereka Pêroyî ya Partîya Herêman a Demokratîk (DBP) Çîgdem Kiliçgun Uçare û Hemsereka Şaredarîya Şaristanê Girdî ê Mêrdînî Devrîm Demîre qisey kerd.
‘Zonê ma çewres çimeyê ma yo’
Hemsereka Pêroyî ya Partîya Herêman a Demokratîke Çîgdem Kiliçgun Uçare qiseykerdişê xo de û wina va: “Vengê zonê ma bireso pêro dıvelan. 1938î ra tepîya şarê ma va ke, ‘Seba ke ma domananê xo biseveknîme, domananê xo birûşnîme mekteb û tever.’ Vatena şarê ma na bîye ke domanî jêde Tirkî qisey bikerê. Tepîya se bî? Zon û îtîqat destê ma ra şî. Tever de zonê xo qisey kenê, mi re vanê ke, ‘Rind o ke ma vengê Kirmanckî heşnenê.’ Zonê xo ser o şer bikerîme, nê vindeyîşê ma bo, teyna jû zon nêbeno.”
‘Hunermendanê Dêrsimî zonê xo da naskerdene’
Çîgdem Kiliçgun Uçare qiseykerdişê xo yê peyênî de wayîrvecîyayîşê zonî ser vindete û wina vana: “Fîlozofêkî vato ke, ‘Zonê dayîke çermê bedenê ma yo, zonê ke ma dima ra musayê ey zî kincê ma yê.’ Zonê Tirkî jê qayumî serê zonê ma de mendo. Ma wazenîme ke çermê xo ra wayîr bivejîme.”
