Roniştişê qerarî ya dewaya ke rojnameger Reyhan Hacioglu ameyêne muhakemekerdene, Wan de ameye kerdene. Mehkema bu îdiaya “hetkarî û piştgirîya rêxistine” 4 serrî 2 aşmî cezaya hepsî daye Reyhan Hacioglu.
Roniştişê 5. û yê qerarî yê dewaya rojnameger Reyhan Hacioglu, Mehkemaya Cezayanê Giranan a 2. a Wanî de ameye viraştene. Reyhan Hacioglu tewrê droniştişî nêbîye, labelê avukat aye û temsîlkarê dezgehanê sîvîlan ê şaristanî roniştişî de amade bîyî. Hetê îdia mutalaya xo pêşkêş kerd û dima zî avûkatan pawitişê xo kerd.
Avûkatan pawitişê xo de dîyar kerd ke ganî qerarê beratî seba Reyhan Hacioglu bêro dayîş.
Dimayê pawitişan, heyetê mehkema qerarê xo eşkera kerd û bi îdiaya “hetkarî û piştgirîya rêxistine” 4 serrî û 2 aşmî cezaya hepsî daye Reyhan Hacioglu.
