Hemsereka Pêroyî ya DEM Partî Tulay Hatîmogullarî çalakîya grevê vêşanî ya Karkeranê madenî yê ke seba heqdestê înan nêameyo dayene, çalakîya vêşanî de yê, ziyaret kerde û vat ke heta waştişê karkêran bi ca nêrê ma do piştdayîşê xo bidomne.
Karkerê Madenî yê ke girêdayê Sendîkaya Xosere yê Karkeranê Madenî yê û şîrketê madenî yê Dorukî de xebitîyenê seba heqdestê înan nêameyo dayene û heqê xo yê tazmînatê b bigrê, Eskîşehîr ra ver bi Anqara kewtîbê rayîr, parqa Kurtuluşî ya qezaya Çankaya ya Anqara grevê vêşanîye domnenê. Karkeranê Madenî ke badê destbendkerdişî ameyê veradayene, vizêrî parqa Kurtuluş de çalakîya xo dewam kerdê û ewro zî rixmê varite çalakîya xo domnenê. Vizêrî ra partîyanê sîyasî, sazgehanê demokratik û sendîkayanê komelî seba piştdayîşê çalakîya karkeran dewam kenê. Ewro zî gede û keyeyê karkeranê madenî ameyê Anqara û karkeranê madenî bi keyeyanê xo çalakîye domnenê.
Hemsereka Pêroyî ya DEM Partî Tulay Hatîmogullarî parlamenter Burcugul Çubuk, Ferît Şenyaşar, Îbrahîm Akin, Huseyîn Ogan û Celal Firat reyde seba piştdayîş çalakîya karkeran ziyaret kerd. Tulay Hatîmogullarî hetê karkeran ra bi çepik û sloganan pêşwazîkerdene. Serekê Sedîkaya Xosere yê Karkeranê Madenî Gokay Çakir zî xêrameyîşê Tulay Hatîmogullarî kerd û vat ke heta waştişê înan ca nêrê, ê do çalakîya xo bidomnê û wina vat: “Ma Anqara de 2 rey ameyê destpendkerdene. Ma seba watişanê xo ameyê Anqara. Ma ewro seba destkewteyê û heqdestanê xo şîyî şîrketê Yildiz û uca de pêvînayîş kerd. La waştişê ma nêameyê qebulkerdene. Ewro 23 nîsane ya. Gedeyê ma cayêko wendegeh de bî, tîya de ma reyde mîyanê çalakîye de yê. Heta waştişê ma ca nêrê, ma do çalakîya xo bidomnê.
‘Ma do pîya têkoşîn bikerê’
Tulay Hatîmogullarî dîyar kerd ke ey do sey Partîya Dem’î hertim bi karkeran rey de mîyanê çalakîye de bê û wina qal kerd: “Destbendkerkenê karkeran ke heqê xo dima yê, bê edaletîyêka gird a. Îqtîdar bi no hawa nîşan dano ke ey kişta karkeran de ney, kişta sermayedaran de yê. Ma sey Partîya Dem’î heta peynîye kalekê karkeran de yê. Ma do pîya xo ver bidê. Çi lazim bikero ma ey bekerê. Parlamentoye de zî waştişanê înan anê ziwan. Seba ke no xoverdayîş bireso serkewtene ma zî pîya têkoşîn kenê. Parlamenterê ma zî her wext şima reyde yê.
Çalakîya ewro bi sloganê “Ma karker ê, heqdar ê û ma do ser bikewê”, “Şîrketan mepawê, heqê ma bidê”, “Ma ameyê seba ke heqê xo bigrê” qedîya.
