Hemşaredarê Peyasî Cengî Dundar va ke ê hetanî nika senî şîyê hetê şarê xo, nika ra pey zî do hewna şîrê hetê şarê û karê xo bikerê û wina va: “Ma çewî ra nêtersenê, çimkî armancê ma xizmetkerdişê şarî yo.”
Hemşaredarê Peyasî (Kayapinar) Cengîz Dundar bi talîmatê Serdozgarîya Enqereyî ame destbendkerdiş û peynî zî bi vatişê şahîdê nimiteyî ser o zî bi îdiaya ‘endamîya rêxistinî’ ame hepskerdiş. Cengîz Dundar peynîya 40 rojê beraat kerd û peynî zî ame serbestveradayiş.
Hemşaredarê Peyasî Cengîz Dundar xebatê xo yê şaredarîye ser o ajansê ma rê qise kerd.
Hemşaredarê Peyasî Cengîz Dundar va ke çi heyfo ke 8 serrê bî ke şaredarîya Peyasî binê kontrolê qeyûmî de bî û wina va: “Bi tayînkerdişê şaredarîya ma rê qeyûmî, şarê ma ser o qeyûm tayîn kerdê. Bi destûrdayişê şarê xo ma ameyê ser karê xo. Ma zanenê şar ma ra çi wazeno, deja şarî çîyo. Ma derd û deja şarê xo mujil bî û peynî zî plansazîya xo viraşt. Armancê ma 24 saet kerdişê xizmetê şarî yo.”
Ma şarê xo reyde mişewrenê
Cengîz Dundar aşkera kerd ke xizmetkerdişê şarî yê înan weşê tay cayan nêşî û wina domna: “Ê fikrîyayê belkî teqatê ma û şarê ma şikyayo, no ser êdî nêeşkerê xizmet bikerê la dîyê ke ma xizmet kenê, her tim şonê şarê xo het. Çi pirsgirêk û problem bibo, ma şarê reyde mişewrenê.”
Ma teqatîya şarê xo ra hêz gênê
Dundar bal ant ser têkilîya înan a xurt a şarî reyde û wina qedîna: “Têkilîya ma ya xurtî ya şarê reyde weşê înan nêşî. Bi şexsê mi, operasyonêk viraştê ser şaredarîya ma. Kayê înan, ma hîna bi xurt keno, ma hetanî nika senî şîyê hetê şarê xo, nika ra pey zî hewna şîrê hetê şarê û karê xo bikerê. Ma çewî ra nêtersenê, çimkî ma çikê xirabî nêkerdê û armancê kerdişê xizmetê şarî yo. Ê xirabê kerdê û xirabîya înan wa înan ra bimano. No hewteyêko bi hezaran merdim seba paştdayişê ma rê, yenê hetê ma û derbasîya xo aneno ziwan. Ma zî hetkarî û teqatîya înan ra hêz gênê. Ma do her tim mîyanê şarê xo do bibê.”
