Badê ke Sereke DYA’yî Donald Trump tehdîdê “çinkerdişê medenîyetî” Îranî kerd, 85 endamê Kongreya DYA’yî ke tayê endamê partîya ey zî mîyan de est ê, waşt ke Trumpî wezîfe ra bêro dûrvistene.
Pêvînayîşê adirbestî û tehdîdê huşkî yê Serekê DYA’yî Donald Trump ê serê Îranî, sîyasetê mîyanê Amerîkayî lerzna. Trumpî platformê Truth Socîal de tehdîdê ‘çinkerdişê medenîyetî’ Îranî kerdbî û çekûyê giranî bi kar ardbî. Na eşkerayîya Trumpî, Washington de bîyê munaqeşeyê kêmanî zihnîyetî û dûrvistişê wezîfeyî da destpêkerdene. Serê na eşkerayîya Trumpî yê ke çend rojî verê kerdbî, 85 endamanê Kongreya DYA’yî ke tayê endamê partîya ey zî mîyan de est ê, waşt ke Trump wezîfe ra bêro dûrvistene.
Temsîlkarê Demokratî: Kontrolê xo vîndî kerdo
Heta nika 85 endamê Demokrat ê Meclîsê Temsîlkaran waşt ke seba dûrvistişê Trump ‘Madeyê 25î’ ê qanûnê bingeyinî yê DYA’yî bikewo pratîk. Senator Jack Reed dîyar kerd ke Trumpî kontrolê xo vîndî kerdo, temsîlkara namdare Alexandria Ocasio-Cortez zî dîyar kerd ke rewşa zihnî ya Serekî astê rijnayîşî de ya.
Mîyanê komarperestan de şikitene
Terba Partîya Demokrat, partîya Trump de zî nerazîbîyayîş est o. Marjorîe Taylor Greene ke sey kesêko tewr nêzdîyê Trumpî yeno naskerdene, vera Trumpî vejîya û vat: “Çinkerdişê medenîyetêke şeytanî û gêjitî ya.” Greene zî veng da kerd ke madeyê 25î seba Trumpî bêro caardene. No zî mojneno ke mîyanê partîya Trump de zî nerazîbîyayîşêke xorîn virazîyayo.
Teorîya gêjitî çi ya?
Washington de nika di munaqeşeyî est ê. Qismê ke çimdarî vanê ke no helwêstê Trumpî parçeyêka ‘teorîya gêjitî’ ya pênase kerd. Sîyasetê DYA’yî de naye ra ‘teorîyê gejitî/ madman teorî’ yeno vatene. Goreyê na teorî kesêk xo gêj bikero û bi zanayîş ca danê tehdîd û vatişanê tehluke reqîbanê xo bitersnê û gaman bi reqîbanê xo bidê eştene. La semedo ke kabîneya ey bi zafî sozdaranê ey ra yena pê, bi caardişê Madeyê 25î wexto ke kilm de zehmet o. Reyna zî no krîz mojneno ke şerê Îranî serê polîtîkayanê Amerîka yê zereyî de rîskanê girdan virazeno.
Goreyê Madeyê 25î yê DYA’yî wexto ke Serekê DYA’yî hetê psîkolojî û zîhnîyetî de îşaretê nêweşî dano mojnayene, ganî kar ra bêro dûrvistene û cagirê ey derbasê cayê ey bibo.
