Komela Pawitiş û Ciwînayîşê Heywanan a Dêrsimî seba ke heywanê kuçeyan bi emrê qanûnan nêrê kiştene Meydanê Hunerî de ameyî pêser. Dima ra zî bi sloganan û dovîzanê destê xo heta meydanê Seyîd Rizayî şî û îtade yew eşkerayîye dê. Serekê Şaredarîya Pulurî Mustafa Sarigulî vat: “Îtîqatê ma de kiştena heywanan nêna qebûlkerdene.”
Dêrsim de, Komela Pawitiş û Ciwînayîşê Heywanan a Dêrsimî, seba wayîrvejîyayîşê heyvanan, Kuçeyê Hûnerî de ameye pêser û hata meydanê Seyîd Rizayî bi slogan eştene rayra şî û meydan de eşkerayî daye. Dêrsim de, Komela Pawitiş û Ciwînayîşê Heywanan a Dêrsimî, seba heywananê kuçeyî eşkerayî daye wendene. Metnê eşkerayî hetê Ezgî Dogan ra ame wendene.
‘Ma kutik û pisînganê xo rê wayîr vejîyenîme’
Ezgî Dogan, qiseykerdîşe xo de wina va: “Semedê kutikanê kûçeyî 2024î de qanûnêk vejîya, ma nê qanûnî qebûl nêkenîme. Kutik î Pîsingan dane arê û perûne benê kişenê. No qirkerdîş o, no kiştena heywanan a. Ma nînan ra vanîme ke vinderê. Şima de qet wîjdan çin o. Heyvanê kuçeyî, hetê ma de, dormeyê ma de bimanê.”
‘Îta hardê dewreş o, wayîr vejîme heywananê xo rê’
Şaredarîye Pulurî ra Serek Mustafa Sarigul, qiseykerdîşe xo de wina va: “Ewro seba malê yabanî, teyr û tûr, heywananê kuçeyî ma ameyîme pêser. Heqê înan est o. Ma nêwazenîme ke kes bikışo. Seba kiştena heywanan qanûn vejîye, ma înan ra vanîme ke, heyvanê kuçeyî tena nîyî. Zerrîya ma naye ra weş nîya. Îtîqate ma de no rind nîyo. Raya heqî de her vaş kokê xo ser o vejîno, her teyre zonê xo de wanena, her dare pê pelanê xo est a. Ma nê qanûnî qabûl nêkenîme.”
