Bi têkoşînê Kurdish Crowdsource yê zêdekerdişe binşaxa “ku_SY” kurmancî Surîye û Tirkîya de bî ziwano diyine.
Kurdish Crowdsource kurmancî Tirkîya û Sûrîye de seba ke ziwano diyine bêro nîşandayiş, serpiroyê Google kerd û Google zî no waştiş qebûl kerd.
Babete ser o Kurdish Crowdsource hesabê xo yê X’î ser o wina va: “Google êdî kurmancî sey ziwanêkî Sûrîye de zî yeno qisekerdiş qebûl kena. Xebatê ma yê zêdekerdişê binşaxa “ku_SY” bi netîce bî, xêrin bo. Iraq de seba ke kurmancî bi alfabeya erebkî yena nuştiş. Tirkîya û Sûrîye de alfabeya kirmanckî bi latîne ya, no ser nuştişê zaravaya kurmancî ya Tirkîya û Sûrîye seyyewbînan ê, no ser ame qebûlkerdiş.”
Aşkera de bal ant ser reklamê Youtube û wina ame vatiş: “Ma bivajê kesêk ser Youtube bi kurdî reklam bido, seba ke no reklam kurdan ra bêro nîşandayiş, ganî no ziwan wayîrê kodê welatêkî bibo, seba no zî hem seba bazarî hem zî seba têmîyannêbîyayişî ser no standartî est o.”
Kirmanckî ser o zî ganî xebat biba
Tirkîya de tirkî û kurmancî ra pey tewro zêde yeno qisekerdiş zaravaya kirmanckî ya, no ser sey Google sazî û dezgeyê mîyanêneteweyî de zî kirmanckî bi fermî bêra qebûlkerdiş û bibo ziwano bazar û mîyanêteweyî.
