KCK’yî herîşê vera keyeyê Neçîrvan Barzanî şermezar kerd û vat: “Ganî hetê eleqedarî seba vindarna nê herîşan bi erk û berpirsîyarîya xo bîyarê ca.
Komîteya Têkilîyanê Teberî ya KCK’yî herîşêke vizêrî Duhok de pê dronan vera keyeyê Serekê Herêma Kurdîstanî Neçîrvan Barzanî amebi kerdene, şermezar kerd.
Eşkerayîya KCK’yî ya ke derheqê hadîseyîya wina ya:
“Rojhelatî Mîyanênî bîyo merkeze Şerê Dinya yê Hirêyine. Hêzê mîyanneteweyî û herêmî seba pawitiş û averberdişê menfeetê xo her cayî açarnenê warê şerî. Şarê kurdî parçeyêke nê şerî nîyo la reyna zî sîyaset û nizdîbîyayîşêko herêmî û mîyanneteweyî est o ke wazeno Kurdîstanî biko merkezê nê şerî. Destpêkerdişê şerî ra nata Rojhelat, Başûr û Rojavayê Kurdîstanî bîyo hedefê hêrîşan. Bitaybetî Başûrê Kurdîstanî pê dronan û fuzeyan hedefe hêrişan de yo. Na çarçewa de hêzê pêşmergeyan, dezgehê ekonomîk, fermî û tewr peynî de zî keyeyê Serekê Herêma Kurdîstanî ame hedefgirewtiş.
Ma sey Têgêrayîşê Azadîye yê Kurdîstanî nê hêrîşan şermezar kenê. Ma wazenê ke heme hetê eleqedarî ganî semedê vindarnayîşê nê hêrişan berpirsîyarîya xo ya sîyasî û ehleqî bîyarê ca. Sewbîna kesê ke nê hêrişan de cuya xo ra bîyê ma seba keyeyanê înan serweşîye û birîndaran rê zî şîfa wazenê.
