Rêxistina Heqanê Merdiman a Îranî eşkera kerd ke Îran de tewr kêm 2 hezar kesî ameyê destbendkerdene.
Rêxistina Heqanê Merdiman a Îranî (Iran Human Rights-IHR) ke Norweç de ya, eşkera kerd ke roja destpêkê hêrişanê Îsraîl-Amerîka, heta nika pêroyê Îran de pêlê destbendkerdişî dest pêkerdo. Goreyê rêxistine ke daneyanê xo agahîyanê medyaya dewlete ra dana pêser, 25 rojanê ewil ê şerî de herêmanê cîya yê Îran de tewr kêm 2 hezar kesî ameyê destbendkerdene. Ame zanayene le tena welatijê rêze ra nê, aktîvîsstê sîvîl û sîyasî û keyeyê waştişê edaletî kenê, ê zî para xo nê pêlê destbendişî ra girewte.
Ame dîyarkerdene ke nasnameyê zafaneyê destbendkerdeyan, nêameyo eşkerakerdene û xelê welatijî sereştişê keyeyan de ameyê destbendkerdene. Sewbîna ame dîyarkerdene ke vera welatijan îşkence ameyo kerdene û kesê destbendkerdeyî cayanê ke dîyar nîyê, uca de yenê girewtene.
Rêxistine dîyar kerd ke zafaneyê welatijan bi îdiayanê sey, “Casusîya seba Îsraîl û Amerîka” , “Antişê dîmenanê cayanê hesas” û “Têkilîyê medyaya ke teberê welatî de bi farskî weşan kena” , “Şuxulnayîşê ekîpmananê înternetî yê satelîtî” û “çalakîyê protestoyî yan zî cehdê hêrişanê çekdarî” ameyê destbendkerdene. Eynê wextî de îdiayê sey “Şaşagahdarkerdişê raya pêroyî” û “Herimnayîşê ewleyîya sîberî” zî ê sucan ra yê.
