Mûş û qezaya Hezexî ya Şirnexî de pîrozkerdişê Newroza 2026î bi sloganê “Newroza Azadî û Yewîya Demokratîke” yena pîrozkerdene, destpêkerdene.
Newroza 2026î bi sloganê “Newroza Azadî û Yewîya Demokratîke” xeylê merkezan de ameye pîrozkerdene. Ewro zî bi eyn sloganî Mûş û qezaya Hezex a Şirnexî de pîrozkerdişê Newroze yenê kerdene.
MÛŞ
Garê Trêne yê Mûşî de ke pîrozkerdişê Newroza bi sloganê “Newroza Azadî û Yewîya Demokratîke” yenê kerdene, dest pêkerd. Welatî bi al, cil û berganê neteweyî verê xo da qadê pîrozkerdişî.
Yeno zanayene ke do Hemsereka Pêroyî ya Partîya Herêman a Demokratîke (DBP) Çîgdem Kiliçgun Uçar û Parlamentera Mûşî ya DEM Partî Sumeyye Boz qisey bikerê.
HEZEX
Qezaya Hezex a Şirnexî de ke pîrozkerdişê Newroza bi sloganê “Newroza Azadî û Yewîya Demokratîke” yeno kerdene, bi coş dest pêkerd. Partîyê sîyasî, sazgehê sîvîl ê demokratîl, temsîlkarê rêxistinanê komelkî û xeylê kesî bi cil û berganê xo yê neteweyî beşdarê pîrozkerdişan bîyê. Rixmê varanî zî xeylê welatijî serê sibayî ra ver bi qadê pîrozkerdişan herikîyayê.
Dayîkê Aştî ke ameyê qadî bi deyîranê Botanî û govendan dest bi pîrozkerdişî kerd.
