Kongra Star a Kobanî çarçeweya rêzeçalakîyê 8ê Adare de semînerêk organîze kerd.
Çarçeweya çalakîyanê 8ê Adare Roja Cinîyan a Dinya de Kongra Star a Kobanî Merkezê Kultur û Hunerî yê Baqî Xido de semînerêk organîze kerd.
Semîner bi deqeyêk rêzgirewtişî dest pêkerd. Dimayê ney, mesajê peyên ê Rayberê Şarê Kurdî Abdullah Ocalanî hetê endama Koordînasyona Kongra Star a Kantonê Firatî Peyman Elûş ra ame wendiş.
Dimayê wendişê mesajî, Îdarekara Şaristanê Kobanî Rûken Ehmed, 8ê Adarê Rayberê Şarê Kurdî Abdullah Ocalan, cinîyê xoverdayox û heme cinîyê azadîwaz pîroz kerd û vat: “Hêrişê herêmî ser o ameyî kerdiş, dişmen waşt îrade û îradeyê cinîyan çin bikero, cinîyan qirkerdişî ra derbas bikero. Dişmen her tim wazeno fikrê neteweyê demokratîkî çin bikero, labelê tu kes nêeşkeno nê fikrê azad û demokratîkî binfîno. Ma sey cinî ganî hêzê xo hîna xurt bikerê. Çîyo ke ma cinîyan ra yeno waştiş; ma her roje bikerê 8ê Adare û têkoşîn û xoverdayîşê xo xurt bikerê.”
Rûken Ehmed da zanayîş ke 8ê Adare roja têkoşîn û xoverdayîşê cinîyan a, ganî heme cinî semedê azadî û heqanê xo têkoşîn bikerê û heme roja xo bikerê 8ê Adare.
Semîner bi sloganê “Jin jiyan azadî” û “Bê Serok Jiyan Nabe” qedîya.
