Pêşbirka cîhanî ya teknolojiyê ya “NASA Space Apps Challenge” ku li 32 bajarê Kurdistan û Tirkiyeyê tê lidarxistin, li Amedê dest pê kir. Di pêşbirka ku 63 beşdar û 14 tîm cih digirin de, tîm an jî kesa/ê serkeftî dê bibe mêvanê navenda NASAyê ya li Amerîkayê.
Pêşbirka navneteweyî ya teknolojî û nûjeniyê ya “NASA Space Apps Challenge” ku li 32 bajarên Kurdisan û Tirkiyeyê tê lidarxistin, li Sûmerparka Amedê dest pê kir. Di pêşbirka bêpere ya ku bi sernavê “Daneyên Nasayê, Fikra Te” di rojên 14 û 15ê Mijdarê de berdewam dike de, 63 pêşbazvan di nava 14 tîmên cuda de cih digirin.
Çalakî bi hevkariya rêxistinên herêmî û piştgiriya Şaredariya Bajarê Mezin a Amedê tê meşandin. Tîma ku di dawiya maratona du rojan de bi projeyên xwe bibe yekemîn, hatiye plankirin ku li Amerîkayê li Eyaleta Floridayê rasterast biçe navenda sereke ya NASAyê.
