Xelata Chatham House ya 2026î, “cesaret û xoverdayîşê înan vera zextê bi sîstemî yo bingeyê cinsîyetî ser o” do cinîyanê Afganîstanijan rê bêra dayene.
Merkezê Chatham House yê Londonî, eşkereyîyêke de dîyar kerd ke cinîyê Afganîstanî, rixmê heme qedexeyanê giranan û sînordarkerdişanê ke hetê rayberîya Talîbanî ra yenê caardene, seba heq û azadîya xo têkoşînê xo domnenê.
Sazgehî îfade kerd ke cinîyê Afganîstanî, bi rayîrê protestoyan, xebatanê pawitişî heqan û hewildayîşanê seba pawitena resnayîşê xo yê perwerdeyî, vera binpaykerdişê heq û azadîye, bi têkoşîne xo ver danê.
Dîrektor û Sereka Heyetê Îcrayî yê Chatham House, Bronwen Maddox, cesaretê cinîyanê Afganîstanijan, sey nîşaneyê îradeya têgêrayîşê pêroyî yê pawitena heqê cinîyan erjna. Bronwen Maddox, bale ante muhîmîya problemê ke cinîyê, Afganîstan de rîbirî manenê ser o û vat ke ganî komelê miyanneteweyî vera nê çî bêveng memanê.
Endamê Programê Asya-Pasîfîk yê Chatham House, Farzana Sheikh, zî dîyar kerd ke dayîşê na xelate seba cinîyanê Afganîstanijan wayîrî muhîmîyêka girda. Farzana Sheikh vat ke na xelate bala merdimî ancena xoverdayîşê cinîyan û qerardarîya înan a ke nêverdena vîrê pêroyî komelî de bêro vîrakerdene.
