Merasîmê Mezunîyetî yê demê 41. yê Fakulteya Huqûqî yê Unîversîteya Dîcle de wendekaran bi slogan û pankartanê xo bale ante serê têkoşînê ciwanan, cigêrayîşê heqîqetî û tradîsyonê huqûqê şorişgirî.
Merasîmê Mezunîyetî yê demê 41. yê Serra Perwerde û Musnayîşî ya 2025-2026î ya Fakulteya Huqûqî ya Unîversîteya Dîcle de pankart û dowîzê ke wendekaran girewtî, bale ante xo ser. Wendekarê ke vejîyayî sehneyî ser, sloganê “Biciwîyo xoverdayîşê ciwanan” berz kerdî. Wextê merasîmî de hetê wendekaran ra pankartê “Heqîqetî reyde ver bi roşnîye” ame akerdene.
Wendekaran eynî wextî de yew pankarto ke tede vatişê sîyasetmedar Sirri Sureya Onderî est bi, ke 3ê gulana 2023 de dinyaya xo bedilnaybî, akerd ke serê ey de wina nusîyabî: “Vatişê xatirwaştişî wa Karl Marxî ra bo; ‘Çerxê tarîxî her tim ver bi aver û ver bi holî çerixîyeno.’ weşîye de bimanê.” Merasîmê mezunîyetî de dowîzêk bi nuşteyê “Silam avûkatanê şorişgiran rê” zî ame girewtiş û mesajê wendekaran salone de rastê eleqeyêka girde ameyî.
