Çarçewaya operasyonê “nerayîrî” yê vera Şaredarîya Stenbolî ya Şaristanê Girdî de 22 kesî ameyê destbendkerdene.
Çarçewaya cipersayîşî “nerayîrî” de ke hetê Serdozgerîya Komare ya Stenbolî ra vera Şaredarîya Stenbolî ya Şaristanê Girdî (ÎBB) ameyo destpêkerdene, xeylê kesî ameyê destbendkerdene. Operasyono hîrêyin de Serekê Dayîreyê Çapemenî, Weşan û Têkilîyanê Şarî yê ÎBB’yî zî tede 22 kesî ameyê destbendkerdene.
Ame zanayene ke Cagirê Şaredarê Çeşmeyî Onur Gulîn û asîstana Taner Çetîn a bi nameyê Arzu Can zî ameyê destbendkerdene.
Nameyê kesanî ke ameyê destbendkerdene, wina yê: “Serekê Dayîreyê Çapemenî, Weşan û Têkilîyanê Şarî yê ÎBB’yî Taner Çetîn, asîstana Taner Çetînî Arzu Can, Mudira Têkilîyanê Karanê Şarî Serap Karay, Cagirê Mudirê Têkilîyan ê Şarî Mustafa Karaoglu, musa Ozişik, Cagirê Şaredarê Çeşmeyî Onur Gulîn û Cagirê Şaredarê Avcilarî Mehmet Mandaci.”
