Wîlayetê Nonthaburî yê Taylandî de hêrişêko çekdarî lîseyêk ser o ame kerdiş. Netîce de tewr tay 8 kesî merdê. Ame eşkerakerdene ke wendekaro hêriş kerdo zî merdo.
Wîlayetê Nonthaburî yê Taylandî de hêrişêko çekdarî lîseyêk ser o ame kerdiş. Polîsanê Taylandî dîyar kerd ke hêrişkaro 14 yan zî 15 serre, destpêke de bi dabançe kalikê xo û pîrika xo kişeno, dima ra şino lîse ya ke tede waneno û uca de zî 3 wendekar û 3 mamosteyan kişeno.
Goreyê çapemenîya herême hêrişkar cayê hadîse de cuya xo ra beno; la eşkera nêbi ke hêrişkar hetê polîsan ra ameyo kiştiş yan zî ey bi xo bi xo kişto.
Hetkarê Wezîrê Karanê Zereyî yê Taylandî, Polapee Suwunchwee dîyar kerd ke 15 wendekarî ke hewl dayo cayê hadîse ra biremê, birîndar bîyî.
Tayland ke nêzdî 10 mîlyon çekî tede est ê, Başûrê rojheletê Asya ra yew welato ke tewr zêde çekê şexsî tede est ê.
Serra 2022î polîsêk zî hêrişê kreşêkî kerdbi û înan ra 24 gede 36 kesî netîceyê hêrişî de ameybî kiştiş.
