Şaredarîya Amedî ya Şaristanê Girdî, Taxa Dokuzçeltîk de goreyê waştişê gedeyan “Şayîya Gedeyan” viraşte. Gedeyanê ke parke de ke ame viraştene, mirdîya xo keyf kerd, îfade kerd ke înan Şaredarîya Amedî ra waşto û şaredarî waştişê înan ardo ca.
Şaredarîya Amedî ya Şaristanê Girdî, Taxa Dokuzçeltîk ya Qezaya Yenîşehîrî de waştişê gedeyan ard ca. Serekîya Daîreya Xizmetanê Ciwan û Gedeyan xebata daye destpêkerdene û taxa Dokuzçeltîkî de “Şayîya Gedeyan” organîze kerd.
Seba gedeyan parkurî virazîyayî
Taxa Dokuzçeltîk de seba gedeyan parkurê pifkerdeyî, dêsê vejîyayîşî, kaleyê futbolî, potayê basketbolî, keyeyo qampîrek, masaya kayanê aqil û zekayî û sîstemê muzîkî ameyî ronayene.
Gedeyan hem keyf kerd hem zî spor
25 perwerdekaran reyde pîya gedeyan hem xo rê keyf kerd hem zî sporê xo kerd. Sporî ra dima gedeyan rê kek, awa fêkîyan, tîşort û şewqa ameyî vilakerdene.
Gedeyê ke beşdarê “Şayîya Gedeyan” bîyî, îfade kerd ke ê seba na xebate zaf keyfweş ê û şaredarî rê sipas kerd.
