Tedayê Talîbanî yê vera cinîyan zêde benî. Talîbanî bi manayê ke “goreyê qeydeyanê xogiredayîşî tênêgêrayê” Herat de 5 cinîyî destbend kerdî.
No demêk o ke tedayê Talîbanî herêma Afganîstanî de serê cinîyan de vejîyayî asta tewr berze. Bi taybetî şaristanê Herat de ke semedê kerdişanê hovaneyan ê Talîbanî bi nerazîbîyayîşê cinîyan û komelî rojev de yo, nê tedayî vejîyayî asta tewr berze.
Talîbanî herêmanê cîya-cîyayan ê şaristanê Heratî de bi manayê ke ke “goreyê qeyedeyanê xogiredayîşî tênêgêrayê” 5 cinîyî destbend kerdî. Goreyê şahidan, tewrê ke nê cinîyan qeydeyê xogirêdayîşî ardbî ca zî, hêzê giredayeyê Wezaretê Fermankerdişê Başî û Vernîgrewtişê Xerabîye yê Talîbanî ê destbend kerdî. Goreyê îfadeyanê şahidan, cinîyanê ke ameyê destbendkerdene çaketê dergî, çarşefê nimajî û maskeyî dabî xo ra. Labelê, no seba destbendkerdişê înan nêbîyo asteng.
Derheqê aqûbetê cinîyan de ke ameyê destbendkerdene û cayê ke tede yenê girewtene de hema agahîyêk nêameya parekerdene. Talîbanî zî hema derheqê na babete de eşkerayîyêka fermî nêdaya.
