Helebce – Herêma Hewremanî ya ke kuna mabênê başûr û rojhilatê Kurdistanî vaya awe tede sînor ama qebulkerdene. Na vaya awe zî dîyar kena ke mabênê netev dewletan de herdê Kurdistanî se ameyo parçekerdene û parekerdene.
Dewa Bîyare ya ke girêdayîyê şaristanê Helebceya çîrokê de xo ya ke bala pêro Kurdan bianco est a. Dewa Bîyare Helebce ra 30 km dûrîya û kuna herema Hewremanî. Na dewa rindeka ke kurdê dorman şonê seyran tede bîna xo gênê na dewe mabênê sînorê başûrê Kurdistanî û rojhilatê Kurdistanî de ca gêna. Corê dewe de cayê seyrangehî ra yew vaya awe verba cêr yena û mîyanê dewe ra vêrena ra şona. Na vaye goreyê parekerdena netev dewletan fermîyet de sînorê dewleta Îranî û dewleta Iraqî yena qebulkerdene. Wexto ke to gama xo serê vaye ra erzena heto yew o het beno rojhelat, eke to game berzê na het na defa to başûr de ra.
Na vaya awe zî dîyar kena ke mabênê netev dewletan de herdê Kurdistanî se ameyo parçekerdene û parekerdene. Sey na nimuneye zaf nimuneyê bal antî estê serê sînorê Kurdistanî de. Çike bê riza şarê Kurdî herdê kurdan bi destê kolonyalîstan ameyo parekerdene û kurdî yewbinî ra ameyê durîfîştene.
Na vaya awe ebi kîlometreyan derga û sînorê her di hetanê Kurdistanî dana kifşkerdene. Ziwan, kultur û bawerîya herêma Hewremanî pêro yewa û yew şar o la belê pê sînoranê sunnîyan yewbinî ra ameyê durîfistene.
