Rêxistinê Weşîye yê Dinya (WHO), seba Vîrusê Ebolayî yê Komara Demokratîk ya Kongo û Ugandayî ‘Rewşa îstîsnayî yê weşîye şarî ya mîyanneteweyî’ eşkera kerd. WHO’yî bale ante û va beno ke rewşê vîrusî yo yeno zanayîşî ra girdêr bo.
Rêxistinê Weşîye yê Dinya (WHO) Vîrusê Ebolayî yê welatanî Afrîkayî ser o îqazkerdişêko unîversal weşana. WHO’yî eşkerayîya xo ya fermî de dîyar kerd ke vîrusê Komara Demokratîk ê Kongo û Uganda sey “Rewşa îstîsnayî yê weşîyê şarî ya mîyanneteweyî” îlan kerd.
Beno ke tehlukeyê Vîrusê Ebolayî texmînan ra girdêr bo
Rêxistinî veng da heme sazgehanê weşîye û komelê mîyanneteweyî ke vera vîrusê baldar bê. Eşkerayîye de ame dîyarkerdiş ke rîskê vilabîyayîşê nêweşîya herêmanê bînan derecêka berzî de ya. WHO’yî îqaz kerd ke îhtîmalêko gird o janê Ebolayî ke ameyo tespîtkerdiş girdêr û hîrayêr bo.
