Zaf cayanê Dêrsimî de çarçewaya tehqîqatê Gulîstan Dokû ser o yenê kerdene û seba ke cayê mezela aye bêro vînayene cigêrayişî dewam kenê.
Tehqîqatê dewaya wendekara Unîversîteya Mûnzûrî ya Dêrsimî Gulîstan Dokû ya ke 5ê Çele yê 2020î ra nat hetêrîyo vindîkerdeya de 15 gumankerdeyan ra 12 kesî amebî girewtene û derheqê 3 kesan de zî qerarê edlî kontrolî amebî dayene. Derheqê gumankerdeyo fîrar Ûmût Altaş o ke DYA de yo zî nêzdî de hetê Înterpolî ra bulteno sur amebî vetene û naye ser hetê teşkîlatê Polîsî yê DYA (USMS), Înterpolê Washîngtonî û Beşa Cipersayîşî ya Ewlehîya Zereyî (HSI) ra Altaş, 22 yê Gulana 2026an de DYA de amebî girewtene.
Peydedayişê Altaşî yeno pawitene la Altaş hîna ke nêamebî girewtene eşkerayîyêk kerd bî. Altaşî vat bî cayê cesedî nêzana la biewnê dormeyê Unîversîteya Mûnzûrî, Taxa Aktûlûkî û çopo ke nêzdîyê Tesîsê Awguznayîşî yo ke herêma Bayraktepe yî de yo. Dima îfadeyê Altaşî ra, binê koordînasyonê Wezaretê Zereyî û Wezaretê Edeletî de nê nuqteyan de daneyê bazî ameyî tengkerdene û beşa Tîmê Cendirmeyan ê Cigêrayiş û Xelesnayîşî (JAK) yê Tûncelî, Tîmê Cendermeyan ê Cigêrayîşê Sûcî (JASAT) û Merkezê Fermandarîya Tabûra Cendermeyan ê Komandoyan bi hecatanê ke binê herdî vênenê zaf cayan de kinitîşî virazîyayî.
Ekîbî mabênê herêma Rostar û Dereyê Dînarî û sewbîna noqteyanê şaristanî de cigêrayîşan domnenê.
