Seba dewaya Şîmonî Dîrîlî avukatê keyeyî Rojhat Dîlsîzî muracatê Mehkemaya Qanûnê Bingeyênî kerd.
Dewaya Şîmonî Dîrîl a ke 7ê çeleyê 2020î de dewa Mêhrê ya qezaya Elkê ya Şirnexî de mêrdeyê xo Hurmuz Dîrîlî reyde vîndî bîyî û dimayê cenazaya aye amebî vînayene, Mehkemaya Berze ya Temyîzî derheqê kesan de ke ameyêne muhakemkerdene Behçet Oztunç û Îsmaîl Yildizî de qerarê beratî da.
Qerarê Mehkemaya Berze ra pey, avûkatê keyeyê Dîrîlî Rojhat Dîlsîzî derheqê beratê Behçet Oztunç û Îsmaîl Yildizî de muracatê Mehkemaya Qanûnê Bingeyêne kerd. Rojhat Dîlsîzî muracaatê xo de dîyar kerd ke muhakemekerdişî de ke ameyo kerdiş, bi hawayêko adîl nêameyo kerdiş. Sewbîna Rojhat Dîlsîzî waştişnameyê xo de bal ant cigêrayîşê dewa ser o û da zanayene ke cigêrayîşê dewa de zaf kêmneyî est ê.
Waştişnameyî de ke ameyo dayene ame waştene ke qerarê beratî yo ke Mehkemaya Berze ya Temyîzî dayo Behçet Oztunç û Îsmaîl Yildizî bêro betalkerdiş û kiştoxê ke serê înan de gumanî est ê, ê bêrê cezakerdiş.
