Şaredarîya Amedî ya Şaristanê Girdî, bi amancê temînkerdişê resayîşê hemwelatîyanê ma yê astengdaranê vînayîşî yê materyalanê nuştekîyan, Projeyê Kitabxaneyo Bêasteng ke bi teknolojîyanê modernan ameyo xemilnayene, da destpêkerdene.
Merkezî de ke binê Kitabxaneyê Gelerî yê Amîda yê qezaya Yenîşehîrî de abîyo, kitabê venginî, materyalê bi çapê Braille û teknolojîyê bêastengî pîya yenê pêşkêşkerdene.
Proje reyde hemwelatîyê ma yê astengdarê vînayîşî; metnanê nuştekîyan biveng eşkenê goşdarî bikerê, xebatênê wendişê-nuştişê Braille eşkenê bikerê û pê komputeranê qiseykeran eşkenê perwerdeyê xo bidomnê.
Seba kesanê ke vînayîşê înan kêmî yo, teknolojîyê piştîdayoxî sey girdkerdişê ekranî û serûberkerdişê kontrastî zî kitabxane de ca gênê.
No merkez ke seypêyîya firsendî ya perwerdeyî xurt keno, eynî wextî de bi tedeyîyanê xo yê zafziwanan xizmetêko pêroyî amanc keno.
Hemwelatîyê ma, hewte de mabênê saetanê 08.00-17.00î de merkezî ra eşkenê îstîfade bikerê.
