Şaredariya Amedî ya Şaristanê Girdî seba yadkerdişê kesê ke hêrişê 5ê Hezîrana 2015 de Meydanê Îstasyonî de cuya xo ra bîyî, cayê yadkerdişî yo ke do îradeyê Aştî û Vîrê komelî sembolîze bikero, awan kena. Şaredarî seba ‘Projeyê dîzaynê Fikrî û Warê Abîdeyî yê Cayê Yadkedişê 5ê Hezîrane’ veng da.
Serekîya Daîreya Kultur, Huner û Karanê Komelî yê Şaredarîya Amedî ya Şaristanê Girdî bi “Vengdayîşê Akerde yê Projeya Dîzaynê Fikrî û Warê Abîdeyî yê Cayê Yadkerdişê 5ê Hezîrane” amanc kena ke vîrê hempar ê şaristanî ravurno mekanan. Çarçewaya vengdayîşê akerde de, seba yadkerdiş û weşmendişê hafizaya komelî ke verê weçînayîşê pêroyî yê 5ê Hezîrana 2015 de hêrişê Meydanê Îstasyonî yê Amedî de cuya xo ra bîbî, do awankerdîşê abîde û meydanî yo ke vîrê komelî û îradeyê aştî sembolîze keno, bikero dewre. Wextê muracatî yo peyên ê projeyî yo ke ci ra fikrî dîzaynê pêt û afirîner yenê pawene, sey 25ê êlûla 2026 diyar bî.
‘Şaristan sey mekanêke hafiza estbîyayîşê xo nîşan dano’
Nuşteyê vengdayîşê projeyî de ame zanayene ke şaristan tena meydan, kuçe û binayan ra nêyeno pê, ame dîyar kerdene ke şaristan eynî wext de cayê tecrube, şahidî û hîkayeyanê ke ver bi vîrrakerdişî şonê yê, û ame diyar kerdene ke şaristan mabênê vîyarte û ameyoxî de sey mekanêke hafiza estbîyayîşê xo nîşan dano û wina ame vatene: “Qeydkérdişê ke bi projeya dîzaynî yenê kerdene, amanc no yo ke dej û tecrubeyê ke vîrê şaristanî de ca girewtê, dîyar bibê.
Bi projeyî amanc beno ke domdarîya hafizaya ferdî û komelî bi raya formêke mekanî û estetîkî bêro ziwan. Proje yo ke amanc keno, verê de 5ê Hezîrane û hedîseyê ke wextanê cîyayan de şaristan de qewimîyayê nêrê vîr ra kerdene, do paştî bide weşmendişê hafizaya komelî. Çarçewa projeyî de, o yo ke do têrîameyîşê vîyarteyî ravurno tecrubeyêkê estetîk û mekanî, dîzaynê abîde û meydanan ê ke pratîkê yadkerdişî de bale ancenê cayê pêroyî ser yenê vindertene.”
Sewbîna zî Şaredarîya Amedî ya Şaristanê Girdî seba ke dîzaynê fikrê ke pêt û afirînerî û hafizaya hempar ê şaristanî sembolîze kenê bêrê meydan, veng da hunermendan. Muracato peyên 25ê êlule yo, Muracatê ko çarçewaya vengdayîşê akerde de yenê kerdene, do hetê jurîyêko xoser ê ke babeta xo de pispor ê bêrê erjnayene. Abîde-Heykelo ke netîceyê erjnayîşan de bêro weçînitene, yeno plankerdiş ke cayêko dîyar yê şaristanî de bêro nîşandayene. Muracatê seba “Projeyê dîzaynê Fikrî û Cayê Yadkerdişî û Meydanê Abîdeyî yê 5ê Hezîrane” do heta 25ê êlûle 2026 dewam bikerê.
Dîzaynê projeyî do bi raya nê lînkê https://forms.gle/sqQBZYDLAgfZopfc8 bêro parekerdene.
