Cipersayîşê de ke vera Şaredarîya Etîmesgutî ame destpêkerdene, Serekê Şaredarî Erdal Beşîkçîoglu zî tede 52 kesî ameyî destbendkerdiş.
Vera Şaredarîya Qezaya Etîmesgutî ya Anqare bi îdiaya “rişwetî” cipersayîşêk ame destpêkerdiş. Çarçewaya cipersayîşî de ke ame destpêkerdene, ewro serê sibayî polisan eşt xeylê keye û şaredarîyan ser o. Operasyon de Serekê Şaredarî Erdal Beşîkçîoglu zî tede xeylê kesî ameyî destbendkerdiş. Ame zanayene ke derheqê 55 kesan de qerarê destbendkerdişî ameyo girewtiş. Ame dîyarkerdene ke heta nîka 52 kesî çarçewa cipersayîşî de ameyî destbendkerdiş.
Keyeyanê kesanê ke ameyî destbendkerdene de cigêrayîş ame kerdene û polîsan dest da xeylê materyalan ser o.
