Projeyê Santralê Enerjîyê Jeotermalî (JES) ke yeno waştene ke Varto de bêro viraştene, verba proje de şarê dewa Çaylarî vano ke proje do warê înan ê cuye bihermno û ê do herre û awa xo bipawê.
Varto de Projeyê JES’î 16 dewan gêna xo mîyan û bê ke destûrê şarê herême bêro girewtene dest bi proje bîyî. Coka herême de reaksîyonî girdî bîyî. Dewijî medyaya sosyale re xo rêxistine kenê û vera nê projeyî de bê rapêrê ÇED’î yeno viraştene, xover danê.
Dewa Çaylar ra nuştox û cigêrayox Denîz Gunduzî dyar kerd ke ê do têkoşînê xo dewam bikerê û vat, “Na herre, awe, û xoza yê ma yê, ma do nêverdê ke kesêk talan bikero.”
Gunduzî îfade kerd ke Projeyê JES’î do warê debarî yê şarê herême bihermno û koçberîya ke bi serran o dewam kena, xorînêr bikero. Gunduzî da zanayene ke projeyê bendawan ke verê ameyî viraştene, tu xeyrê xo herême rê nêbîyo û no proje zî tena şarê herême maxdûr bikero.
Gunduz, “Nê tena zerar danê xozaya ma, waranê ma yê ciwîyayîşî herimnenê. Ma do sey şarê Vartoyî têkoşînê xo dewam bikerê.”
Dewê ke do tesîrê nê projeyî de manenê, nê yê:
Tanzîk, Tatan, Hemok, Çorsan, Xwarik ve mezraya aye Dewreşêli, Qasiman, Çarsan, Emera, Zengena, Mengen, Kuzik, Civarka ve mezrayê aye Kortegule, Canisera, Xaşxaşa, Uskuraya pîl, Uskuraya qij, Şorikê, Şeman, Gadiza, Badan.
