Aktîvîstanê cinîyan dîyar kerd ke emperyalîzm, raştgirî zêdîyayişê rastgirî ra verba bedenê cinîyan yew şer kerdî û wina vatî: “Sîstemê sosyalîst raştîya komelî rê çareyî nusneno.”
Kampanyayê reşkerdişê sîstemê sosyalîzmî hema zî dewam kenê. Nê zî neolîberal, rejîmê kapîtalîst û şarê ke hema zî nêresayê hişmendîya ke sosyalîzm eşkeno bibo çareyî, dewam kenê. Sosyalîzm, problemê ekonomîkî yê herêmê Rojhilatê Mîyanênî û Afrîka ke hetê çimeyan ra zengîn ê, rê çareyî bibo. Kapîtalîstî polîtîkayê “parçe bike, birayîr bibe” ra xo danê wayîrkerdiş û dejanê şaranê ke keda înan ameyê werdene ra menfaetî vînenê.
Hêrişê vera sosyalîzmî û cinîyan
Goreyê xebera JINHA’yî hêrişê vera sosyalîzmî, eşkerayo ke hedefê emperyalîzmî yê. La tevgerê azadîya cinîyan, serranê peyênan de fam kerdê ke sosyalîzm, sey û edaletî rê çareyê raştî nusneno. Nê sîstemî eşkeno bingeyê komelê ke cinîyan rê cuyeye bi rûmet temîn bike.
Rayraberê Partîya Komunîst ya Îraqî Korya Riyah, kongreyê Hevgirewtişê NADA’yî ke dinya ra cinîyan ardi pîya, wina va: “Na kongre, ceribnayîşê parekerdiş û rewşa ewroyêne ya cinîyanê dinya de nîqaşkerdiş rê firsendêk o. Her çiqas cinî cografyayanê cîya ra ameyê zî, têkoşîn yew o. Herêma ma û dinya de tevgerê çep, tekane hêza ke cinîyan destek keno, o yo. Fikrê sosyalîst, bîyayişê cinî nas keno û aye hem hetê psîkolojîkî û hem zî polîtîkî ra bihêz keno.”
‘Nê şeran ra tewr zêde cinî zerar vînenê’
Korya Riyah va ke pêro dinya de vera sosyalîzm û çepgirîyî pêleke hêrişan est o û no zî çimeyê xo hovîyayîya emperyalîzmî ra gêno û ard vîrî ke têkilîyê aye bi geşbîyayişanê Rojhilatê Mîyanênî û Afrîka est o û wina dewam kerd: “Sosyalîzmî zêdîyayiş, şerê Xezayî, hêrişê DAIŞ’î yê vera êzîdî, xirîstîyanî û kurdan, mûdaxelê teberî yê welatanê sey Tirkîye, nê pêro têkilîyê xo bi projeyanê emperyalîst û bihêzîyayişê raştgiran est o. Nê şeran ra reyna tewr zêde zerarê vînenê cinî yê. Ê ya rasterast ameyê hedefgirewtiş ya zî geşbîyayişanê bedenî û komelî ra bêpar ameyê veradayîş.”
Korya Riyah ard ziwan ke yewîya çepgiran seba ewlehîya heqanê cinîyan şert o û îfade kerd ke seba cinî nêkewê şerî, bedenê înan sey amûrekê şerî nêamûyero gureyayîş û cuyeya bi rûmetî dewam bikerê, sîstemê sosyalîst çareyo bingeyîn o û wina va: “Hedefê ma yê kongreya NADA’yî û hewldananê çarçeweyê rêgezê sosyalîstî de dewamkerdişê têkoşînê yew o.”
Roj bi roj agêrayîşê sosyalîzmî
Pawitoxa heqanê cinîyan Dîna El-Taî îzeh kerd ke ceribnayîşê sosyalîzmî demê Yewîya Sovyetan de, seba xeletîyanê tetbîqkerdişî ra ameyê rexnekerdiş, la hetê teorîkî ra hema zî bihêz o û wina domna: “Yew hetî ra sermaye yew destî de yeno komkerdiş, yew hetî ra zî şar feqîr beno. Cinî bi taybetî Rojhilatê Mîyanênî û Vakûrê Afrîka de camêrdan ra zêde rîbirîyê şertanê feqîrîye yenê. No zî çimeyê xo bêqîymetîya keda cinî û rijyayîşê pîşesazîya herêmî ra gêno. Sîstemê sosyalîst eşkeno edaletê komelî temîn bike. Nê sîstemî heqê perwerdeyî seba cinîyan nas keno. Seba cinîyanê bêkar, pîr û wayîr lazimayanê taybetîyan ewlehîya komelî temîn keno. Awanîyan virazeno, bi seferberîyanê wendişî û nuştene cinîyan destek keno ke bihêz bibê. 25 serran de çend reyî dewletê kapîtalîstî seba awankerdişê sîstemê xo mecbur mendê banka û şîrketanê pîlan komelî bikerê? Nê mûdaxelê, raştî de tetbîqatê sosyalîstî yê. Kapîtalîzm zî hewcedarîyê çareyê sosyalîstî beno.”
‘Sosyalîzm raştîya komelî rê çareyî nusneno’
Dîna El-Taî ard ziwan ke hişê virazîyayî gefê hinek problemî weno û na rewş qutbîyayişê sinifî yê hê kûrî virazena û va: “Vera nê gefan mûdaxelê dewletî yê bi tarîxê sosyalîzmî, eşkeno bibo halê jênêveger. Sosyalîzm, gorê raştîya komelî û taybetmendîyanê herêmî çareyî nusneno. Reqabetî hol keno, berovajî aye bi hawayê erênî teşwîq keno.”
Dîna El-Taî peynîya qiseykerdişê xo de nê çîyî va: “Sosyalîzm, heqê cinîyan mîsoger keno, çike sey û edaletî esas gêno. Vera rêk û pêkîya kapîtalîst ya cinîyan zaf gureyneno û maeşê kêmî dano, sosyalîzm keda cinî nêweno. Sîstemê kapîtalîstî de feyde yê kar dano, westayîya zêde karkeran rê manena. Sosyalîzm de parekerdişê adilane, xebatê bi ewle û bihêzkerdişê cinîyanê komelî esas o.”
