Osmanîye de vera mamostayêkî hêrişo çekdarî ame kerdene. Mamostayo ke giran birîndar bî, nêweşxane de cuya xo ra bî. Hêrişker zî ame destbendkerdene.
Merkezê Osmanîye de dormeyê Lîseya Anadolu yê Farabî de hêrişêko çekdarî ame kerdene. Goreyê malumatanê ke ameyî girewtene, mamostayo ke mektebî de wezîfedar bî, Mehmet B., hetê birazayê xo ra ke ame îdîakerdene mabênê înan de problemê keyeyî est bî, ame hedefgirewtene; badê hêrişî hêrişker cayê serebûdî ra rema.
Bi eşnawitişê vengê çekan polîs û ekîbê weşîye şîyî cayê serebûdî û Mehmet B. yo ke hêrişî de giran birîndar bîbî, ame berdene bi nêweşxane; la bi heme mudaxeleyan reyde zî mamosta Mehmet B. cuya xo ra bî.
Ame dayene zanayene ke hêrişker dima hetê polîsan ra ameyo destbendkerdene.
