NÛJINHA’yî derheqê hêrişê sîberî ê keyepelê xo ser o eşkerayîye da û wina vat: “Ma reyna îfade kenê ke ma do fek berpirsîyaranê xo yê eşkerakerdişê rastîyanê cinîyan ra veranêdanê. Ma do weşanê xo vera heme hêriş, tehdît û zextan ke amancê înan bêvengkerdiş, nêmojnayîş û bindestkerdişê cinîyan o, bidomnê.
Ajansa NÛJINHA’yî eşkera kerd ke netîceyê hêrişê sîberî de xeylî xeberê servîsanê Farsî, Erebî û Îngilîzî ameyê estiritene û weşan demêk vindarto. Ajanse dîyar kerd ke vera heme tehdît û hêrişan, do weşanê xo bidomnê û tu hewldayîşê bêvengkerdena vengê cinîyan û rojnamegerîya azade nêreseno amancê xo.
NÛJINHA’yî vat ke hêriş ne tena binawanîya teknîkî yo, vengî cinîyan, têkoşînê rastîye û rojnamegerîya xoser ser o zî bîyo. Ajanse îfade kerd ke her hêrişêk NÛJINHA’yî ser o, eynî demî de hêriş azadîya fikrî, heqê agahdarî girewtişî û erjê komelo demokratîk ser o yo.
Ma do weşanê xo vera zextan bidomnê
Sey NÛJINHA, ma reyna îfade kenê; ma fek berpirsîyarîyê xo yê eşkerakerdişê rastîya cinîyan ra veranêdanê. Ma do weşanê xo vera heme hêriş, tehdît û zextan ke amancê înan bêvengkerdişî yo, nêmojnayîş û bindestkerdişê cinîyano, bidomnê.
Ma do teslîmê tehdîtan nêbê; ma do dewam bikerê, bibê vengê azadîya cinîyan.
