Hepisxaneyê Tîpa T ê Humara 1an ê Turkoglûyî hepsîyan seba ke “poşmanîyê” qebul nêkerda ranêverdanê. Ame zanitene ke mudirê hepisxaneyî hepsîyan ra vato ke “Ez şima ranêverdana, hetanû ke destê mi ra bêro ez şima hepis de dana vindartnayene” û raverdayena hepsîyan yena astengkerdene.
Raverdayena hepsîyanê sîyasî Orhan Dorû, Erkan Bayrak û Abdullah Topaloglû yê ke Hepisxaneyê Tîpa T ê Humara 1an ê Turkoglû yê Mereşî de yê raverdayena înan 3 aşmî ameya peyde eştene. Ame dîyarkerdene ke Orhan Dorû yo ke 11 serrîyo hepis de ro ganî vizêrî bîyamêne raverdayene la îdarekaranê hepisxaneyî ci ra vato ke raverdayena to 3 aşmî ameya taloqkerdene. Hepsîyanê ke pawitoxanê xo de qisey kerd o vato ke mudirê hepisxaneyî înan ra vato “”Ez şima ranêverdana, hetanû ke destê mi ra bêro ez şima hepis de dana vindartnayene”
Heto bîn ra ame famkerdene ke Erkan Bayrak û Abdullah Topaloglû yê eynî hepisxaneyî de yênê girewtene û cezaya xo qedîya sebebê ranêrdayena înan zî nêvato “Ez poşmana” aye ra hetê Keyeyê çimdarîye û îdareyê hepisxaneyî ra raverdayena înan ameya taloqkerden.
