Mehkemeya Federalî ya Îraqî waştişê seba vindarnayîşê qeraranê ke roniştişê Parlamentoyê Herêma Federalî ya Kurdîstanî yê 4ê Teşrîna Peyêne de ameybî girewtene, red kerd.
Goreyê xebera RojNewsî, Mehkemeya Federe ya Îraqî derheqê roniştişê Parlamentoyê Herêma Federe ya Kurdîstanî de eşkerayîyêke weşanaye. Eşkerayîye de nê îfadeyî ameyî vatene: Mehkemeya Federe ya Iraqî bi beşdarîya Dadger Munzir Îbrahîm Huseynî û heme dadgeranê mehkeme roniştişêk kerd. Munzir Huseyînî serekîya roniştişî kerde. Mehkeme, waştişê astengkerdişê caardişê qeraranê ke roniştişê Parlamentoyê Herêma Federalî ya Kurdîstanî (4ê teşrîna peyêne 2026î de ame kerdene) de ameybî girewtene, ceribna.
Eşkerayîye wina dewam kerd: Mehkeme qebul nêkerd ke no derheq de qerarêk bêro dayene. Goreyê madeyê 151. yê Qanûnê Muhakemeyanê Huqûqî (Qanûnê bi tarîxê 1969 û bi hûmara 83) dayîşê yew qerarî huqûqî ra mumkun nîyo (nêno qebulkerdene). Mehkemeya Federalî ya Iraqî hukm kerd ke waştişo ke mehkeme rê ameyo pêşkêşkerdene, qebul nêbo.





