Çarçewaya kampanyaya “Vatişê Ma Nêqedîya, Ma Do Pîya Şîdetî Bivindarnê” de Taxa Dernek a Licê de pêdîyayîşê cinîyan ame viraştene.
Programî de, Hemşaredara Şaristana Girdî Serra Bucak û hemşaredarê cinî yê şaredarîyanê qezeyan beşdar bîyî.
‘Ma wazenê ke pîya bi derg û dila qisey bikerê’
Serra Bucak çalakîye de qisey kerd û va: “Problemê cinîyan hem dewan de hem zî bajarî de est ê û zafîya înan sey pê yê. Nînan ra yew zî problemê heqanê cinîyan o. Cinî keyeyanê xo de problemê xo est ê. Eke problemê wina est ê, ma wazenê ke pîya bi derg û dila qisey bikerê. Qiseykerdişê Bucak ra pey hemşaredarê cinî yê şaredarîyanê qezeyan zî qisey kerd. Bado cinîyê ke beştar bîyê inan zî tecrubeyê xo pare kerdî û problem û waştişê xo îfade kerdî.
Pêdîyayîş, bi xurtkerdişê piştîdayîşê cinîyan û vengdayîşê xebatanê hemparan ê seba ke şîdet bêro vindertene, qedîya.
