Kovara verêne ya psîkolojîye bi ziwanê kurdkî Psychology Kurdkî serra xo ya 10ine rê Mardîn de sempozyumêko hîra amade kena
Kovara verêne ya psîkolojîye ya bi ziwanê kurdkî “Psychology Kurdî” serra xo ya 10ine rê Mardîn de sempozyumêko hîra kena. No sempozyumo muhîm do 3 û 4ê Teşrîna verêne ya 2026î de Baroya Mardînî de bêro kerdene. Babeta sereke ya sempozyumî “Tendirustiya Derûnî û Edaleta Civakî” ameya dîyarikerdene.
Muhtewaya Sempozyumî: Trawma, Edalet û Ziwanê Maye
Sempozyum de bale ancîna serê tesîrê zext, nêseyyewbinî û bêedaletîye ke serê tendirustîya psîkolojî ya komelî. Roja verêne de roniştena serê trawmanê komelîyan, ribirûbîyayiş, şîno komelî û cigêrayîşê edaletî ya binê sîya pergalanê darazî de ya. Roja dîyine de zî muhîmîya ziwanê maye ya pawitena domantîye de, persê koçberîye û seyyewbinîye girewtena xizmetanê tendirustîye vejena vernîye.
Qiseykerdoxê Sempozyumî
Sempozyum de xeylî pisporî, akademîsyenî, hiqûqzanayî û psîkologî ca gênê. Rola pêro qiseykerdoxan bername de bi kilmekî wine ya:
Prof. Dr. Jan Îlhan Kizilhan do serê trawmatolojîya mîyankulturî û tesîranê kulturan vindeno.
Prof. Dr. Melek Goregenlî têkilîya merdim û mekanî û psîkolojîya polîtîke ser vindena.
Prof. Dr. Sîbel Sakarya do behsê astengîyanê ziwanî ê tendirustîye de vindena.
Edîtorê kovare Abdulsittar Ozmen zî bale anceno serê amancê înan ê rawerdayişê ziwanê kurdkî zê ziwanê zanistî.
Prof. Dr. Fuat Tanhan, Rojnameger Alî Duran Topuz û Doç. Dr. Mesut Işik zî serê trawmanê kolonyalan û şîdeta epîstemîke vindirê.
Prof. Dr. Burhanettîn Kaya û Prof. Dr. Selçuk Candansayar serê psîkolojîya polîtîke û şînê komelî qisey bikerê.
Hiqûqnas û Pawitoxê Heqanê Mordemîye Mehmet Emîn Aktar, Cahît Kirkazak û Sezgîn Dînç do tesîrê pergalanê darazî ê serê psîkolojîye û cigêrayişanê edaletî ser vindê.
Prof. Dr. Safiye Yildiz, Doç. Dr. Abdurahîm Ozmen û Doç. Dr. Necat Keskîn bale ancenê serê persgireyanê psîkolojîyan ê koçberan û rola folklorî ya psîkolojîya pêroyîye.
Dr. Ramazan Pertev, Doç. Dr. Nurettîn Beltekîn û Dr. Hozan Saatçioglu do tesîrê perwerdeya bi ziwanê maye ê serê averşîyayena psîkolojî ya gedeyan de bikerê.
Dr. Seher Oral û Psîkiyatrîst Azad Dildar do serê muhîmîya qiseykerdişê bi ziwanê maye ê mîyanê nêweş û terapîstî de vindirê.
Mamoste Sîdar Ozmen û Psîkolog Siyabend Aslan ke edîtoryaya Psychology Kurdkî ra ê, do pêşkêşî û qiseykerdişanê destpêkî yê bernameyî bikê; reyna Psîkolog Zelal Coşkune, Psîkolog Berfîn Gulere, Pawitox Dîlan Koçe, Dr. Sevda Orake, Dr. Guneş Kane û Dr. Ahmet Ozel zî do moderatorîya roniştenan bi raye ra berê.
No sempozyum semedê komelî fersendêko pîl o ke ê do serê birînanê xo ê komelîyan qiseybikerê û rayanê xêr û başbîyayişî nîqaş bikê.
Edîtorîya Kovara Psychology Kurdkî dîyar kerd ke pêro merdimê ke eleqedar ê eşkenê beşdarê sempozyumî bibê.
