Konya, Sakarya û Hatay de hîrê cinî hetê nêzdîyan yan zî mêrdeyanê xo ra ameyî kiştene.
Sakarya de B. Îpeke (16) maya xo Îpek Îpeke (34) bi çekê adirinî kişte. Kesê bi nameyê H.T. ke a game uca de bî, giran birîndar bî. Birîndar hetê ekîbanê weşîye ra ameyî berdene bi Nêweşxaneyê Dewlete yê Qeza. Îpek Îpek bi heme mudaxeleyan zî cuya xo ra bîye; cenazeya aye seba otopsî ameye şawitene bi Nêweşxaneyê Perwerde û Cigêrayîşî yê Sakarya. Tedawîyê H.T.yî dewam keno; ame dîyarkerdene ke B. Îpeke hema destbend nêbîya.
Konya de Mehmet Alî Saricayo 65 serre cinîya xo Fadime Saricaya 63 serre kişte. Mehmet Alî Sarica ame destbendkerdene û hetê mehkema ra ame tepiştene.
Hatay de zî Kadîr Çilî cinîya xo Emîne Çil ke merheleya cîyabîyayîşî de bîye, bi çekê adirinî kişte. Kadîr Çil badê serebûdî ame destbendkerdene.
