KNK’yî vengdayîşê Neteweyanê Yewbîyayeyan û sazgehanê mîyandewletan kerd ke zextan Tehranî bikerê ke herêşanê xo bido vindarnayîş.
Komîsyonê Heqanê Merdiman û Konseya Rayberdişî ya Kongreya Neteweyî ya Kurdîstanî (KNK) vera sûcanê şerî û talankerdena xozayî ke hetê artêşa Îranî û grûbanê çekdaran ê mutefîkê înan ra Herêma Kurdîstanî ser o yeno kerdene, waştişnameyêko fermi û lezabez Neteweyanê Yewbîyayeyan (NY), sazgehanê heqê merdiman û rûmetanê mîyanneteweyan rê erşwait.
Waştişnameyê KNK’yî de ame dîyarkerdene ke destpêkê serra 2026î ra hetanî peynîya aşma temmuze, zedeyî 900 hêrişê fuze û dronan herre, daristan û dorûverê ciwîyayîşê yê Herêma Kurdîstanî ameyê cedrene. Goreyê doneyanê fermi ê Hukmatê Herêma Kurdîstanî, tena mabenê 28ê sibate û 20ê nîsana 2026î de, nêzdî 809 hêrişî dronan û 108 fuzeyan ameyê qeydkerdene.
KNK’yî waştişnameyê xo de vat: ‘‘Ekîbê CPT’yî bale anta nê çîyê ser ke aşma ewilin ê nê şerî de 751 hêrişî ameyê cedrene, nê hêrişan ra 298 hêrişî raşte raşt hetê artêşê pasdaran ra û 453 hêrişî zî hetê grûbanê çekdaran ê Iraqî ra serê Îranî ya ameyê rayraberdiş.”
KNK’yî derheqê şuxulnayîşê çekanê qedexekerdeyan de, da zanayîş ke belgeyê tehlukeyînî ameyê mojnayîş, 19ê temmuza 2026î de, hêrişêk dronî yê artêşê pasdaran qerargahêkî Partîya Azadîya Kurdîstanî (PAK) yê dewa Hewlêrî ser o ‘fosforo sipî’ ameyo xebitnayîş û netîceyê nê hêrişî de 9 pêşmerge şehid kewtê. Leşa 9 pêşmergeyan ser o veşaye û nîşaneyê jehrbîyayîşê tesbît bîyê.
Babetêka bîn ê waştişnameyî KNK’yî qalê bobelatê cugehî keno û vano ‘‘Nê hêrişan verbi seyan donim daristanê Koyê Goyjeyê yê Silêmanî, baxçe û rezê dorûverê Zergwêzî vêşayê. Şuxulnayîşê fosforo sipî herre û awe jehr keno û tehlukeyêko gird virazeno. Goreyê protokolê hîreyîn ê peymane sey sucê şerî yeno vînayîş.”
Peynîye de KNK’yî komelê mîyandewletî ra waşt: ‘‘Wa Heyetê Neteweyanê Yewbîyayeyan (NY) û Rêxistinê Qedexekerdişê Çekanê Kîmyewî (OPCW) şuxulnayîşê fosforo sipî ser o cigêrayîşê warî bikerê. Wa Programê Dorûverî yê Neteweyanê Yewbîyayeyan (UNEP) seba zerarê cugehî erjnayîş bikero. Hukmatê Iraqî heq û qanûnanê Neteweyanê Yewbîyayan bigêro xo dest û bi zextanê dîplomatîkan Îranî bikero ke hêrişanê co yê kovîyan bido vidartene.”
