Pasdaranê Şorişî yê Îranî bi çekanê giranan û dronanê bombabarkerdene hêrişê vera zozanê Şahoyî yê Rojhelatê Kurdîstanî kerd û herême sivîlan rê qedexe kerde.
Tora Heqanê Merdiman a Kurdîstanî derheqê hêrişanê Pasdaranê Şorişî yê vera zozanê Şahoyî de agahî pare kerde. Ame dîyarkerdene ke Pasdaranê Şorişî di rojanê vîyarteyan de dorûverê dewa Delemerzî ya qezaya Sewlawa de çek û teqebarê leşkerî yê giranî ronayê û herêma Deşteqelbî ya zozanê Şahoyî ya wilayetê Sine bi hawayêko giran bombarduman kerd.
Ame dîyarkerdene ke topbaranêko hîra ra teber bi dronanê bombabarkedeyan hêrişê vera tayê cayanê herême ame kerdene û dewijan rê destûr nêyeno dayene ke şêrê herême.
