Îtîfaqê Hêzanê Sîyasîyan ê Rojhilatê Kurdîstanî serkewtena greva pêroyî ya Rojhilatê Kurdîstanî îlan kerd û va; “Na greva pêroyî, yewbîyene û hişmendîya sîyasî ya civaka Kurdî nîşan daye.”
Îtîfaqê Hêzanê Sîyasîyan ê Rojhilatê Kurdîstanî derheqê çalakîyanê serrgêra çarîne ya têkoşîna “Jîn, Jîyan, Azadî” û greva pêroyî ya Rojhilatê Kurdîstanî de eşkerayîyêka nuştekî vila kerde.
Eşkerayîya Îtîfaqê Hêzanê Sîyasîyan ê Rojhilatê Kurdîstanî wina ya:
‘Sere berz û xoverdayox ê Kurdîstanî!’
Serrgêra çarîne ya şehadetê Jîna Emînî de, yadkerdena şehîdan û destkewteyanê têgêrayîşê ‘Jîn, Jîyan, Azadî’, greva pêroyî ya 25’ê Hezîrane sey ciwabêk biryarkerde bi serkewteyî ameye kerdene.
Grev o pêroyî demo ke ameye kerdene ke Komara Îslamî ya Îranî pêro îmkanê xo yê eskerî û ewleyî seba peyde gam eştena şaranê Kurdîstanî xof û tehdîdanê cîya cîyayî serê bazar û şarî de xebitnayî bîyî. Mîyanê nê şert û mercan de, şarê Kurdî, dikandar û bazarwanan bi îradeyêko xurt ciwab da rejîmê Îranî yê desthilatdarî.
Çîyo muhîm oyo ke bi desan partîyê sîyasî, rêxistinê cinîyan û komelê sîvîlî yê Kurdîstan û Îranî paştî daya nê vengdayişî. Tevlîbîyena girewteyanê sîyasîyan a rojeyê vêşanîye zî nîşan da ke pîya xebat û xoverdayena vera Komara Îslamî ya hişke, têkoşînêko xurt ameyo dayene.
Serkewtena na têkoşîna sîvîle nîşana astê de zaf berzî ya berpirsîyarîya komelî, hişmendîya sîyasî, yewbîyena neteweyî û redkerdişê polîtîkayanê tepiştiş, ciyakerdene û dardekerdişî ya şarê Kurdî ya. Na rewşe îspat kena ke hêzê sîyasî û şarê Kurdî yewbînî ra anêbirînê. Na kûrîya têkildarîye seba domnayişê têkoşînî û gamanê meşruyan sermayeyêko pîl ê sîyasî û komelî yo.
Îtîfaqê Hêzanê Sîyasîyan ê Rojhilatê Kurdîstanî, rêz û hurmetê xo xoverdayişê netewa Kurdî rê û seba yewbîyena înan a ke grevê 25ê Hezîrane de ameyê kerdene rê, spasîya xo pêro kesayetanê sîyasî, akademîsyen û nêz ra partîyê sîyasîyê Belûç, Tirk, Faris, Tirkmen û Ereban re kerde. Na hemkarî û paştîdayişa hîraye, nîşaneyê seknêka xurte rayberîyêka rasteya.
Hêzê sîyasî yê Kurdîstanî, hetê waştenanê komelî ra temsil û vengê komelî bîyayene binê girêdayîna xo newe kerde û vat ê nê îtîfaq û pîya karkerdişî temînatê serkewteyanê rojanê amayoxan vênenê.”
