Amed – Arzoxlî de nobeta çadire ya ke vera projeya GESî dest pê kerd bî, roja 26îne de bi pêşengîya cinîyan dewam kerd.
Çadira nobete, ke Taxa Arzoxlî ya Sûrî de vera projeya Santrala Enerjîya Rojî ya Zenkar-1 (GES) ame ronayene, roja 26îne de dewam kerd. Leşkeran, cinî û domanî ke seba şîyayîşê cayê projeyî ameyî pêser, rayîrşîyayîşê înan asteng kerd. Nê ra dima cinîyan, vera nê astengkerdişî reaksîyon nîşan da û çalakîya roniştişî kerde.
Çalakî de cinîyan sloganê “Her bîjî berxwedana dayîka”, “Dîrene dîrene kazanacagız” û “Katîl sermaye meramizdan defol” dayî. Çalakî ra dima şarê taxe peyser şîyî çadira nobete.










