Rejîmê Îranê ewro serê sibayî de bi hîrê teyaranê bêmerdiman hêrişê kampê PAK’yî yê şaristanê Hewlêrî kerd. PAK’yî bi eşkerayîyêke hêriş teyît kerd û derheqê bîlançoyê hêrişan de tu agahî pare nêkerdî.
Badê dest pêkerdişê hêrişanê DYA’yî yê vera Îranî, Rejimê Îranî hêrişê xo yê vera dorûverê zêde kerdî.
No proseso ke tede pêkewtiş zêde bîyo de Îranî reyna hêrişê kampê Partîya Azadîya Kurdîstanî (PAK) ya şaristanê Hewlêrî kerd. PAK’yî eşkerayîyêke hêriş teyît kerd û derheqê zerarê can û malî de tu agahî pare nêkerde.
Partîyê Kurdan yê Rojhelatê Kurdîstanî ke başûrê Kurdîstanî de bi ca bîyê, no demêko dergo zaf rayan benê hedefê hêrişanê Îranî. Bi destpêkerdişê şerê mabênê DYA û Îranî ra dima hêrişê rejîmê Îranî vera partîyanê kurdan zêde bîyî.
