Hêzê emnîyetî yê Iraqî, seba ke biresê herêma Cerf Sexirî, ewro siba verê dergeya herêmî de kombîyayî. Ame vatene ke no sire de hêzê emnîyetî ameyî herêma Cerf Sexirî.
Bi fermanê Serekwezîrê Iraqî Elî Zeydîyî, hêzê emnîyetî yê ke artêşe, polîsanê federalî û Heşda Şeebî ra pêk yenê, ewro siba verê keberê Cerf Sexirî de kom bîyî.
Serekwezîrê Iraqî Elî Zeydîyî seba grûpanê çekdaran ê herêma Cerf Sexirî demêk diyar kerdbî, û o dem ewro qedîyeno. Goreyê ê demî, ê grûbî gerekê ewro herêmî ra bivejîyêne. Labelê rojanê vîyarteyan de peymanêko newe ame kerdene; goreyê peymane, hêzêko hempar ê ke artêşe, polîsanê federalî û Heşda Şeebî ra pêk yeno do bireso mîyanê Cerf Sexirî û tede ca bigîro.
Goreyê Agahîyan, hêzê ke amade bîyê, ewro siba verê keberê Cerf Sexirî de ameyê pêser. Ame zanayene ke hêzê Iraqî ameyî herême û tehqîqat dest pêkerd.
Hetê bînî ra zî ame vatene ke Fermandarê Şaneya Artêşa Iraqî ewro verê herêma Cerf Sexirî de eşkerayîyêka çapemenîye bido û derheqê rewşî de agahî pare bikero.





