Heyetê Îmralî yê DEM Partî derheqê pêvînayîşanê nê di rojanê peyênanê ke heyetê AKP û MHP zîyaret kerdî û gamê ke seba prosesê Aştî û Komelê Demokratîkî bêrê eştene ser eşkerayîye ameye parekerdene.
Eşkerayîye wina ya:
“Çapemenî û Rayapêroyî rê
Ma sey Heyetê Îmralî yê DEM Partî, seba ke babeta rojdemî yê derheqê prosesê Aştî û Komelê Demokratîkî de bierzê, verê cû 15ê temmuze de heyetê AK reyde û 16ê Temmuze de zî Serekê Pêroyî yê MHP’yî Dewlet Bahçelî reyde pêvênayîşî kerdî.
Nê pêvînayîşan de, merheleya nika ya prosesî, bi lez vejîyayîşê çarçewaya qanûnî û hewcebîyayîşê na çarçewaya ke rew cewabê hewceyan bido, ser o dayîşûgirewtişî kerdî. Kombîyayîşê ma yê nê prosesî ser do dewam bikerê.
Ma dimayê nê pêvînayîşan de plan kenê ke wextêko tewr kilm de Îmrali de Birêz Abdullah Ocalan reyde zî yew pêvînayîş virazê.
Ma bi hûrmet rayapêroyî eşkera kenê.”
