Kesê ke nasnameyê înan dîyar nîyo, hêrişê Goristanê Surp Garabetî yê Armenîyan ê Stenbolî kerd û zerar da 6 goran û çimeyêk.
Şewa 7ê temmuze de qezaya Uskudarî ya Stenbolî de, kesê k nasnameyê înan dîyar nîyo, hêrişê Goristanê Surp Garabetî yê Armenîyan kerd. Goreyê xebera AGOS’î, dêsanê goristanî ra kesêk yan zî kesî kewtê zereyê goristanî û hêrişê goran kerdo. Peynîya nê hêrişî de 6 goran û çimeyêk zerar dî.
Patrîklîya Armenîyan a Tirkîya derheqê babete de Emnîyetê Stenbolî rê şîkayet kerd û nê zanayîşî dayî: “Kes yan zî kesanê ke hêriş kerd, hema zî nêameyê girewtiş. Dêra Surp Garabetî ya Uskudarî agahî daye ma û dîyar kerd ke hêriş vera gora Surp Garabetî ya Baglarbaşî ameyo kerdene. Ma bilez cipersayîş da destpêkerdene. Seba ke kes yan zî kesanê ku hêrişê goristanan kerdo bilez bêrê vînayene. Ma nê hêrişê vera cayê pîroz şermazar kenê ke binefrret ameyo kerdiş.”
Derheqê babete de cipersayîş hema zî dewam keno.
