Hêrişanê artêşa Îsraîlî yê vera Başûrê Lubnanî de mîyanê 24 saetanê peyênan de tewr tay 26 kesî cuya xo ra bîyê.
Hêrişê Îsraîlî vera Lubnanî dewam kenê, Başûrê Lubnanî de vera warê roniştişî de vengdayîşê seba texlîyeyê neweyî ame kerdene. Ame zanayene ke Lubnan de bombardûmanê 24 saetenê peyênan de tewr tay 26 kesî cuya xo ra bîyê.
Goreyê parekerdena Rayedaranê Lubnanê ra; Îsraîlî roja pancşeme vera herêmanê cîyayan hêrişî pê ardî û netîceyê nê hêrişan de tewr tay 26 kesî cuya xo ra bîyê. Wezaretê Weşîye yê Lubnanî da zanayene ke 2ê adare ra nat hêrişan de hûmara kesê ke cuya xo ra bîyê 3 hezar û 324’ê, hûmara birîndaran zî resaya 10 hezar û 27 kesan.
