Şaredarîya Peyasî û Komeleya Akademîya Sînema ya Rojhelatê Mîyanênî do derheqê 10. Festîvalê Belgefîlman ê FilmAmedî de Keyeyê Kemeran ê Parka 75î de bi munasabetê Festîvalê Belgefîlman ê FilmAmedî yê 10. resepsîyonêk virazenê.
Mudirîya Kultur û Xizmetanê Komelkî ya Şaredarîya Peyasî û Komeleya Akademîya Sînema ya Rojhelatê Mîyanênî (OSAD) do 10. Festîvalê Belgefilman ê FilmAmedî virazê. Şaredarîya Peyasî û OSAD bi munasabetê Festîvalê Belgefilman ê FilmAmedî yê 10. yo ke bi slogana “Ma tîya yê! Nobedarê darê goze yê” do bêro viraştene, resepsîyonêk virazê û eşkerayî bidê çapemenî. Eşkerayî û resepsîyon do 11ê hezîranî de saete 19.00 de Keyeyê Kereyan ê Parkê 75î (Kîşta Kitabxaneyê Berhemanê Cinîyan) ya qezaya Peyasî de bêro viraştene.
Seba dawetkerdene vengdayîş
Şaredarîya Peyasî û OSADî derheqê festîvalî de no mesaj pare kerd: “Festîvalê xo yo 10. de ke peyê şopê heqîqetî de yew hafizaya gandare awan keno û şahidîya cuya perdeyo sipî ser de nîşan dano, ma reyna yenê pêhet. Ma bi pêhesnadayîşê 10. Festîvalê Belgefilman ê FilmAmedî memnûn û bi heyecan ê. Ma heme şarê xo eşkerayîya çapemenî û resepsîyonê festîvalê ma yo ke ma do binê veng û muzîkê Sarya û Welatî de virazê, dawet kenê.”
