Grûbê paramîlîter ê girêdayeyê Tirkîya belgeyê sucê xo yê ke hemverê merdimîye û qanûnanê mîyanneteweyî yê vila kerdê. Vizêrî ra pey ke hêrişî şarî ke Awbendê Tişrînî de verba şerî nobete gênê kerd, dîmenê hêrişî vila kerdî.
Dewleta tirk û grûbê aye yê paramîlîterî 40 rojî ra vêşêro ke hêrişî Awbendê Tîşrînî kenê. Şarê Vakur û rojhelatê Sûrîye seba pawitişê awbendî û nerazîbîyayîşê verba hêrişan, awbendî de nobete gênê. Grûbanê paramîlîteran vizêr reyna hêrişê nobedaranê xoverdayîşê Awbendê Tişrînî kerd. Encamê hêrişî de 2 kesî ameyê kiştene û rojnamegerî zî tede 20 kesî birîndar bîyê.
Dewleta tirk û grûbê aye yê paramîlîterî bêmabên bi kerdişanê xo yê barbarîyan qanûnanê mîyanneteweyî û ehlaqê merdimîye gênê binê payan. Vizêr înan bi xo belgeyê sucê şerî yê hemverê merdimîye û qanûnanê mîyanneteweyî vila kerdê. Grûbê paramîlîterî bi destê Tirkîya vizêr dîmenêko rasterast hêrişî şarî ke Awbendê Tişrînî de verba şerî nobete gênê kerd, vila kerd.
Hêriş û bomberdumanê ke dewleta tirk û grûbê aye yê paramîlîterî kenê goreyê qanûnanê mîyanneteweyî sucê şer ê û hemverê ehlaq û wijdanê merdimîye yê. Reyna belgeyanê kerdişanê xo yê barbarîyan sey “sereberzî û şerefêko pîl” vila kenê.
