Endama Têgêrayîşê Cinîyanê Kurdan ê Ewropa û endama KNK’yî pedagog Şoreş Elî Mayî dîyar kerd ke a wazena Rayberê Şarê Kurdî Abdullah Ocalanî bivîna û vat: “Ez zî wazena rayber û rayzanê şarê xo bivîna û ey reyde pêvînayîşêk bikera.”
Endama Têgêrayîşê Cinîyanê Kurdan ê Ewropa û endama KNK’yî pedagog Şoreş Elî Mayî dîyar kerd ke a wazena Rayberê Şarê Kurdî Abdullah Ocalanî reyde pêvînayîş bikera. Şoreş Elî Mayî îfade kerd ke a wazena Koyê Metîna, Garê, dewa Mayî û Berwarîya Behdînanî ra silamêk xo reyde bera û vat: “Ez wazena silamanê dewa xo xo reyde biba û sipasîya ey bikera. Sipas seba ke ma hişyar kerdê û ma ardê dinya. Sipas seba ke ey ma rê rayîr akerd. Bi taybetî rayîrê vernîya cinîyan akerd ke xo hîna baş bişinasnê.
Hewn û xeyalê ma azadîye bîyê. Azadîya welatî, azadîya komelî, azadîya keyeyî û çarçewaya na azadîye de azadîye û xoserîya cinîyan amancê ma bi.”
‘Azadîya welatî girêdayeyê azadîya cinîyan a’
Şoreş Elî Mayî da zanayene ke ê welatperwer bîyê û wina vat: “Ma welatperwer, xebatkar û şorişgir bîyê. Ma keyeyêk û destanê maye û pîyêko Kurdîstanij û şorişgirî ra perwerde dî. La ma sey sey cinî no têkoşîno çetin de vîndî bîyê û ma xo xo vîr ra kerdbi. Ma vat ke demo ke welat azad bibo, ma zî do azad bibê. La to ma ra vat, nuşt û to ma têşana û ma wariznayê lingan ser o. To îdeolojî û felsefeyêko bîn ma rê mojna. To vat: “Azadîya cinîyan girêdayeyê azadîya welatî nîya. Eksê ci, azadîya welatî girêdayeyê azadîya cinîyan a. Coka ganî şima cinî no rayîro têkoşînî de nê esas bigîrê.” Cigêrayîşo hîra nê qise û felsefeyî ra pey ma rayîrê xo dî, ma xo nas kerd û têkoşînê xo bi hewayêko cîya da destpêkerdene. Ma seba azadîya xo, azadîya komelî û keyeyê xo û azadîya welatî têkoşîn danê.”
